• The Public Today
  • राष्ट्रपति भण्डारी जनकपुर आउने


    जनकपुरधाम, वैशाख २६ गते : जनकपुरको जानकी मन्दिर परिसरमा जानकी नवमी महामहोत्सव २०७६ सुरु भएको छ । बिहीबारबाट सुरु भएको जानकी महोत्सवका अवसरमा १५ दिन सम्म विविध कार्यक्रम गरी मनाइनेछ ।

    महोत्सवको पहिलो दिन राम कथा प्रवचन, नवाह रामायण पाठ र बेलुका बधाई मंगलगानको कार्यक्रम रहेको छ । जन्ममोत्सवको विशेष कार्यक्रम बैशाख ३० गतेदेखि सुरु हुने उत्तराधिकारी महन्त रामरोशन दासले बताए ।

    महोत्सवमा वैष्णव राम कथाको लागि वृन्दावन उत्तर प्रदेश भारतका वालव्यास सन्त हरिशरण उपाध्यायलाई बोलाइएको छ । प्रवचनका लागि मन्दिर बाहिर प्राङगणमा भव्य पंडाल लगाइएको छ । मन्दिरको सजावट तथा मन्दिर श्रृंगारको काम पनि अन्तिम चरणमा पुगेको छ ।

    जानकी नवमीमा यसपटक शोभायात्रा, दुधमती साही स्नान, रामायण मेला, राम र सीतालाई केन्द्रित गरी कवि गोष्ठी, रामायणमा आधारीत प्रश्नोत्तर प्रतियोगिता, मिथिला चित्रकला सम्बन्धी प्रदर्शनी, प्रादेशिक भाषाको सांस्कÞृतिक कार्यक्रम सहितका कार्यक्रमहरु गर्ने आयोजकले जनाएको छ ।
    वैशाख ३० गते रामनवमीको दिन राष्ट्रपति विद्यादेवी भण्डारी समेत सहभागी बन्ने महन्त दासले जानकारी दिए । त्यस्तै चताराधामका जगद्गुरु कृष्णदास महाराज, अयोध्याका मैथिली शरण दास, काशी बनारसका महन्थ राजकुमार दास लगायतका एक दर्जन भन्दा बढि महात्मा पनि आउने भएका छन् । 


    क्याटेगोरी : ब्रेकिङ्ग न्युज-१, राष्ट्रिय, समाज

    उहाँ द पब्लिक टुडेका विशेष संवाददाता हुनुहुन्छ ।

    प्रतिक्रिया दिनुहोस