‘शिक्षाको समग्र प्रणालीसँगै पाठ्यक्रम परिर्वतन गर्नुपर्छ’

Facebook
Twitter
WhatsApp
Print

काठमाडौं, जेष्ठ ११ गते । नेकपाका नेता तथा पूर्वप्रधानमन्त्री झलनाथ खनालले शिक्षाको समग्र प्रणालीसँगै पाठ्यक्रम परिर्वतन गर्नुपर्ने बताएका छन् ।

शनिबार राजधानीमा आयोजित शिक्षासम्बन्धी अन्तरक्रियामा उनले परिर्वतित सन्दर्भमा विश्वको शिक्षा पद्धती, प्रविधि तथा नमुनाअनुसार नेपाली शिक्षाको प्रणाली परिर्वतन गर्नुपर्ने आवश्यकता औँल्याएका हुन् ।

बर्सेनि ठूलो संख्यामा नेपाली विद्यार्थी उच्चशिक्षा अध्ययनका लागि बाहिरिने गरेको तथा सो क्रममा ठूलो परिमाणमा नेपाली रुपैयाँ बाहिर गएको भन्दै उनले स्वदेश मै विश्वस्तरको शिक्षा प्रणालीको विकास गर्नुपर्नेमा जोड दिए । उनले शिक्षा क्षेत्रमा देखिएका समस्या, चुनौती र संभावना हेरेर विश्वस्तर अनुरुप शिक्षाको समग्र प्रणालीलाई परिर्वतन गरि अद्यावधी गर्दै नेपाललाई शैक्षिक केन्द्रको रुपमा विकास गर्दै लैजानुपर्ने आवश्यकता औँल्याए ।

खनालले २०४६ साल देखि नेपालको शिक्षा क्षेत्रमा मात्रात्मक रुपमा ठूलो परिर्वतन भए पनि युगको आवश्यकतालाई प्रतिबिम्बित गर्न नसकेकाले सरकारले उच्चस्तरीय शिक्षा आयोगमार्फत विस्तृत अध्ययन गरि शिक्षामा आमुल परिर्वतन गर्न खोजेको स्पष्ट पारे। उनले शिक्षा क्षेत्रको सुधारका लागि सरकार संगै नीजि क्षेत्रको पनि सहकार्य आवश्यक रहेको बताए ।

ताजा अपडेट

लोकप्रिय

सम्वन्धित समाचार