राजविराज, असार २० गते । सप्तरीको सुरुङ्गा नगरपालिका–१ चहकाकी ६४ वर्षीया धनमाया पुलामी मगरको हत्या गरेको आरोपमा पक्राउ परेका उनकै छोरालाई सप्तरी प्रहरीले शुक्रबार सार्वजनिक गरेको छ ।
हत्या आरोपमा घटनास्थलबाटै पक्राउ परेका मृतकका आफ्नै छोरा ३४ वर्षीय रिठ्ठे भनिने जङ्गबहादुर पुलामी मगरलाई शुक्रवार जिल्ला प्रहरी कार्यालयमा आयोजित पत्रकार सम्मेलनमार्फत सार्वजनिक गरिएको हो । प्रहरी नायब उपरीक्षक भावेश रिमालले हत्या आरोपमा बिहीबार साँझ खुकुरीसहित जङ्गबहादुरलाई पक्राउ गरिएको जानकारी दिए ।
दुबै हातमा खुकुरी लिएर धम्क्याइरहेको अवस्थामा इलाका प्रहरी कार्यालय भेडियाको टोलीले आरोपितलाई पक्राउ गरेको हो । उनलाई आज(शुक्रवार) अदालतबाट म्याद थप गरी इलाका प्रहरी कार्यालय कडरबोनामा राखिएको छ ।
खुकुरी प्रहारले गर्धनसहित टाउको पछाडी तीन ठाउँमा र अनुहारमा दुई ठाउँमा काटिएको रक्ताम्य अवस्थामा धनमायाको शव फेला परेको थियो ।
क्याटेगोरी : अपराध, समाज
थप समाचार
धेरै पढिएका
ताजा अपडेट
- १ उपसभापति निधिका भाइ क्षेत्रीय सभापति, श्रीमती महाधिवेशन प्रतिनिधि
- २ रावलले बन्दसत्र स्थल नछोड्ने, खाना पनि बाहिरबाटै प्याक गरेर ल्याउने
- ३ ओलीले सूची तयार गरेपछि रावल भने- अलोकतान्त्रिक र आपत्तिजनक
- ४ सर्लाही : कांग्रेसको वडा अधिवेशनमा गोली चल्यो
- ५ मंगलवारदेखि मास्क अनिवार्य
- ६ प्रदेश २ सरकारलाई कर्मचारी अभाव
- ७ निर्णायक छलफलमा ओली, केन्द्रीय सदस्यहरू सबै दोहोरिँदै
- ८ पार्टीमा नेतृत्व परिवर्तन हुन जरुरी : प्रकाशमान सिंह
प्रतिक्रिया दिनुहोस