• The Public Today
  • कक्षा १२ को ग्रेड वृद्धि परीक्षा तालिका सार्वजनिक


    काठमाडौं, साउन १९ गते ।राष्ट्रिय परीक्षा बोर्डले कक्षा १२ को ग्रेड वृद्धि (पुरक) परीक्षाको समय तालिका सार्वजनिक गरेको छ । परीक्षा बोर्डले आगामी भदौ २२ र २३ गतेका लागि ग्रेड वृद्धि परीक्षाको समय तालिका तोकेको छ ।

    [custom-facebook-feed]

    दुइटा विषयमा मात्रै ग्रेड वृद्धिका लागि विद्यार्थीले परीक्षा दिन पाउने छन् । परीक्षाको पहिलो दिन अनिवार्य अंग्रेजी र एक विषयमा मात्र परीक्षा दिने परीक्षार्थीहरूले दिन सक्नेछन् ।

    त्यस्तै, दुई विषयमा परीक्षा दिनेहरूका लागि भने पहिलो दिन सानो कोड नम्बर रहेको विषयको परीक्षा हुनेछ भने दोस्रो दिन ठूलो कोड नम्बर रहेको विषयको परीक्षा हुनेछ।

    ग्रेड वृद्धिका लागि परीक्षार्थीहरूले अन्य सबै विषयमा सि प्लस वा सोभन्दा माथि ग्रेड आएर बाँकी दुई विषयमा मात्र सि वा डि प्लस आएमा परीक्षा दिन पाउने छन् । साथै, कुनै एक वा दुई विषयमा अनुपस्थित भएकाहरूले पनि सोही दिन परीक्षा हुनेछ।

    परीक्षाफल रद्द भएका विद्यार्थीहरूले भने ग्रेड वृद्धि परीक्षामा समेल हुन पाउने छैनन्। शैक्षिक योग्यता प्रमाण पत्र लिइसकेकाहरूले सो परीक्षामा सामेल हुन पाउने छैनन्।

    परीक्षार्थीले तोकिएको केन्द्रबाट मात्रै परीक्षा दिनुपर्ने हुन्छ। तर बोर्डले हाललाई परीक्षाको केन्द्र भने तोकेको छैन। तोकिएको परीक्षा कार्यक्रमअनुसार परीक्षामा उपस्थित नहुने परीक्षार्थीका लागि पुनः अर्को व्यवस्था नगरिने बोर्डले जनाएको छ ।


    क्याटेगोरी : ब्रेकिङ्ग न्युज-१, राष्ट्रिय, समाज

    उहाँ द पब्लिक टुडेका विशेष संवाददाता हुनुहुन्छ ।

    प्रतिक्रिया दिनुहोस