द पब्लिक टुडे समाचारदाता-
सप्तरी , चैत ३ गते । पूर्वराजा ज्ञानेन्द्र शाह आइतवार सप्तरी पुगेर शक्तिपीठको दर्शन गरेका छन् । तराई–मधेश भम्रणमा रहेका पूर्व राजा ज्ञानेन्द्र सप्तरीको छिन्नमस्ता गाउँपालिका स्थित छिन्नमस्ता भगवति मन्दिरमा पूजाअर्चना गरेका हुन् ।
सप्तरीकाे राजविराज स्थित शिव मन्दिर प्राङ्गणमा पूर्वराजा ज्ञानेन्द्रलाई सर्वसाधारण तथा उनका समर्थकहरूले स्वागत गरेका छन् । राजा आउ देश बचाऊ, हाम्रो राजा हाम्रो देश प्राण भन्दा प्यारो छ, हिन्दु राष्ट्र हुनुपर्ने भन्दै उनका समर्थकहरूले नारा लगाएका थिए ।
शक्तिपीठमा दर्शन गरि पूर्व राजा शाह आईतवारै झापा फर्किएका छन् ।
