• The Public Today
  • बर्दिवास सरसफाई महाअभियान : गर्नेलाई पुरस्कार, नगर्नेलाई दण्ड !


    राजकरण महताे
    बर्दिवास, असोज २८ गते ।
    सरसफाइमा तमाम मनहरु समर्पित छन् । हृदयदेखि अभियानीहरु सक्रिय छन् । त्यसैले ‘बर्दिबास सरसफाई महाअभियान’ पाँचौं हप्ताको खुडकिलो चढेको छ । अभियानले अभियन्ता, स्थानीयबासिन्दा, व्यपारी, संघसंस्था र सरकारलाई गोलबन्ध गरेको छ । बर्दिबास पहिले भन्दा अहिले सफा देखिन्छ ।

    [custom-facebook-feed]

    कुनै पनि अभियान सुरु गर्नु ठूलो कुरो होइन्, निरन्तरता दिनु महत्वपूर्ण पक्ष हो । सरसफाई अभियानलाई हालसम्मको उचाई पु¥याउन खटिएका अभियानीहरुलाई बधाई तथा धन्यवाद !
    घडीले जब बेलुकीको चार बजेको संकेत गर्छ, अनि सरसफाई अभियानीहरु एकै ठाउँमा जम्मा हुन्छन्, हातहातमा पञ्जा लगाउँछन् । कोही फोहोर टिप्छन् त कोही सरसफाई बारे सन्देश बाँड्छन् त कसैले गमलाको फूल बारे खोधिखोजी गर्छन् । ‘म सफा राख्छु,मेरो गाउँघर, छरछिमेक, हाटबजार, मठमन्दिर’ भन्ने आदर्श वाक्यले सरसफाई अभियनाले मुर्त रुप लिएको हो ।

    सरसफाई विना स्वच्छ जीवनको कल्पना पनि गर्न सकिदैंन । त्यसैले सरफाइलाई मानवले दैनिक जीवनसंग जोड्न जरुरी छ । भनिन्छ, सितैमा पाइएको औखती र सल्लाहको महत्व हुदैंन ।जब कुनै वस्तु मूल्य तिरेर खरिद गरिन्छ, तब मात्रै किन्ने मान्छेलाई त्यसवस्तुको महत्व बारे गम्भिर बन्छ । त्यस्तै भएको छ, बर्दिबास सरसफाई अभियानको सन्दर्भमा ।

    -राजकरण महतो
    पत्रकार एवं समाजिक अभियन्ता

    जथाभावी फोहोर गर्नु हुदैंन, फोहोर सफा गर्नु पर्छ, आफ्नो पसल, घर अगाडिको फोहोर व्यक्ति स्वंयमले सफा गरौं, नगरपालिकाको फोहोर उठाउन आउने गाडीमा हाल्नु होला भन्ने सन्देश महिना दिनदेखि रेडियोमा बजिरहेको छ । टेम्पोमा राखिएको साउण्ड सिस्टमले फुकेको फुकै छ, चोकचौरामा । तर, व्यपारी, बटुवा, यात्रीहरुले त्यसको अटेर गरे जस्तो छ ।

    व्यपारीहरु वस्तु बिक्री गर्छन्, रुपैयाँ जती गल्लामा हाल्छन्, फोहोर जस्ती बाहिरै फाल्न छाँडेका छैनन् । पढेलेखेकाहरु पनि पानीका बोतल , चाउचाउ, चनाचटपटे, पानपराग खाएर बाहिरै फाल्छन् ।

    बर्दिबास सरसफाई अभियना पाँचौं हप्तामा आइपुग्यो । डस्टवीनमा फोहोर व्यवस्थान गर्ने वानीको विकास भयो । तर, अभियानको मर्म अनुसार सोंचे जस्तो उपलब्धी भने अझै हात पार्न सकेको छैन । दशैंमा चार दिन अभियानीहरुले बिश्राम लिदाँ फेरी बढेको फोहोरले त्यो देखाइदिएको छ । अभियनाीहरुले सधैं फोहोर संकलन गर्ने स्वरुपलाई परिवर्तन गर्नु पर्ने देखिन्छ । जति सम्झाउँदा पनि बाहिरै फोहोर फाल्ने व्यपारी, यात्रुहरुको व्यवहारमा खाँसै परिवर्तन भएको देखिदैन ।

    अब बर्दिबास सरसफाई महाअभियना संचालन समितिले कठोर कदम चाल्ने समय आइसकेको छ । तोकेको ठाउँमा फोहोर व्यवस्थान गर्नेलाई ठाउँको ठाउँ सरसफाई गर्नु पर्छ भन्ने सन्देश लेखिएको टोपी, भेस्ट दिएर हौसाउनु पर्छ । पसल अगाडी आहा सफा छ ! भन्ने स्टीकर टाँसे अभियना प्रभावकारी हुन्छ । फोहोर गर्नेलाई कारवाही गर्नै पर्छ ।उनको पसल अगाडी छिःछि लेखिएको स्टिकर टाँसिदिनु पर्छ र नगद कारवही गर्नु पर्छ । ताकी लाजले पनि सरसफाई गरुन् ।सफाई गर्न थालेपछि आहा सफा छ भन्ने ! स्टीकर टाँस्नु पर्छ ।

    फोहोर गर्ने बटुवालाई च्याप समाएर प्रहरी भ्यानमा राखेर एक छिन भएपनि डर देखाउनु पर्छ । केही नगद कारवाही गरिनु पर्छ । अबका दिनमा अभियानकर्मीले फोहोर टिप्नु भन्दा पनि अनुगमनको पाटोलाई कडाइका साथ अघि बढाउनु बाहेक अरु विकल्प छैन । जब सबैले सरसफाई अभियानलाई बुझ्ने छन् , अनि मात्रै बर्दिबास सरसफाई अभियनाको मर्म पुरा हुनेछ ।

    भिडियोमा हेर्नुहोस सरसफाइ महाअभियान !



    क्याटेगोरी : ब्रेकिङ्ग न्युज-१, विचार, समाज

    उहाँ द पब्लिक टुडेका विशेष संवाददाता हुनुहुन्छ ।

    प्रतिक्रिया दिनुहोस