• The Public Today
  • शिक्षण अस्पतालका चिकित्सकसहित ३८ जना क्वारेन्टाइनमा


    काठमाडौं, जेठ १ गते । त्रिवि शिक्षण अस्पताल महारजगञ्जका चिकित्सक तथा नर्ससहित ३८ जनालाई क्वारेन्टाइनमा राखिएको छ। कोरोना संक्रमित बालिकाको उपचारमा संलग्न चिकित्सक, नर्सलगायत ३८ जनालाई क्वारेन्टाइनमा राखिएको हो।

    अस्पतालको न्यूरो वार्डमा उपचाररत ६ वर्षीया बालिकामा आज कोरोना संक्रमण भएको पुष्टि भएको छ। उनलाई केही दिनअघि कपिलवस्तुबाट उपचारका लागि शिक्षण अस्पताल ल्याइएको थियो।

    बालिकाको उपचारमा संलग्न चिकित्सक, नर्स तथा काठमाडौं ल्याउने आफन्तसहित ७५ जनाको थ्रोट स्वाब संकलन गर्ने तयारी भइरहेको अस्पतालका कोभिड १९ व्यवस्थापन समितिका संयोजक डा. सन्तकुमार दासले बताए।

    बालिकाको आमा, बुवा र उपचारमा संलग्न सबै चिकित्सकलाई अस्पतालको छुट्टै भवनमा क्वारेन्टाइमा राखिएको छ, उनले काठमाडौं प्रेससँग भने, बालिकालाई ल्याइएको सवारीको कन्ट्याक्ट ट्रेसिङ पनि गरिरहेका छौं।

    साथै संक्रमित बालिकासहित सबैको स्वास्थ्य अवस्था सामान्य रहेको उनले बताए।


    क्याटेगोरी : मुख्य समाचार, राष्ट्रिय, समाज

    उहाँ द पब्लिक टुडेका विशेष संवाददाता हुनुहुन्छ ।

    प्रतिक्रिया दिनुहोस