• The Public Today
  • भारतमा एकै दिन ५ हजारभन्दा बढीलाई कोरोना संक्रमण


    जेठ ५ गते : आइतबार एकै दिन भारतमा पाँच हजारभन्दा धेरै कोरोना संक्रमित फेला परेका छन्। भारतमा हिजो पाँच हजार ५० जना नयाँ संक्रमित थपिएका हुन्। त्यहाँ अहिलेसम्म संक्रमितको संख्या ९५ हजार ६ सय ९८ पुगेको वल्डओमिटरले जनाएको छ।

    कोरोना संक्रमणबाट अहिलेसम्म भारतमा ३ हजार २५ जनाले ज्यान गुमाइसकेका छन्। आइतबार मात्रै भारतमा १ सय ५४ जनाले ज्यान गुमाएका छन्। संक्रमितमध्ये ३६ हजारभन्दा धेरै उपचारपछि निको भएका छन्।

    महामारीको रुपमा फैलिएको कोरोना संक्रमणबाट ज्यान गुमाउनेको संख्या विश्वभर ३ लाख १६ हजार ५ सय १४ पुगेको छ। आइतबार संक्रमणबाट विश्वभर ३ हजार ६ सय १२ जनाले ज्यान गुमाएका छन्।

    संक्रमितको संख्या ४७ लाख ९८ हजार ९ सय ५४ पुगेको छ। आइतबार एकै दिन विश्वभर गरेर ८१ हजार ९ सय ४५ जना नयाँ संक्रमित थपिएका छन्। एजेन्सी


    क्याटेगोरी : मुख्य समाचार, विदेश

    उहाँ द पब्लिक टुडेका विशेष संवाददाता हुनुहुन्छ ।

    प्रतिक्रिया दिनुहोस