• The Public Today
  • म्यान्चेस्टर युनाइटेडका कप्तान म्याग्वायर पक्राउ


    एजेन्सी : माइकोनोस टापुमा भएको घटनापछि म्यान्चेस्टर युनाइटेडका कप्तान ह्यारी म्याग्वायर पक्राउ परेका छन् । इंग्ल्याण्डका २७ वर्षीय डिफेन्डर हाल छुट्टी मनाउन ग्रिसमा रहेका छन् ।

    माइकोनोस टापुमा भएको घटनापछि म्यान्चेस्टर युनाइटेडका कप्तान ह्यारी म्याग्वायर पक्राउ परेका छन् । इंग्ल्याण्डका २७ वर्षीय डिफेन्डर हाल छुट्टी मनाउन ग्रिसमा रहेका छन् ।

    सन् २०१९ को अगस्तमा म्याग्वायर डिफेन्डरको लागि विश्व कीर्तिमानी ८ करोड पाउन्डमा लेस्टर सिटीबाट युनाइटेडसँग आबद्ध भएका हुन् ।

    ‘माइकोनोसमा ह्यारी संलग्न भएको कथित घटनाबारे क्लब जानकार रहेको छ,’ युनाइटेडले शुक्रबार एक विज्ञप्ति जारी गर्दै भनेको थियो, ‘क्लब ह्यारीको सम्पर्कमा रहेको छ र उनले ग्रीक अधिकारीहरुलाई आवश्यक सहयोग गरिरहेका छन् ।’

    ग्रीक प्रहरीका अनुसार एक बारमा दुई समूहबीच भएको झगडा छुट्याउन उनीहरु त्यहाँ पुगेका थिए । त्यहाँ उपस्थित तीन विदेशी पर्यटकले प्रहरीमाथि अपशब्द प्रयोग गर्नुका साथै एक प्रहरीमाथि भौतिक आक्रमण गरेको आरोप छ । उनीहरुले मुद्दा नचलाउनका लागि घुस दिने प्रयास गरेको पनि प्रहरीले बताएका छन् ।

    प्रहरीका अनुसार उनीमाथि प्रहरी अधिकारीमाथि हिंसा, अवज्ञा, शारीरिक हानी, अपमान र घुसको प्रयासको आरोप दर्ता गरिएको छ । म्याग्वायरमाथि के आरोप लगाइएको छ भन्ने खुलेको छैन ।


    क्याटेगोरी : खेलकुद, मुख्य समाचार

    उहाँ द पब्लिक टुडेका विशेष संवाददाता हुनुहुन्छ ।

    प्रतिक्रिया दिनुहोस