• The Public Today
  • रोनाल्डोको कप्तानीमा पोर्चुगिज टिम


    भदौं ९ गते : पोर्चुगलले आफ्नो स्टार फरवार्ड क्रिस्टियानो रोनाल्डोको कप्तानीमा युइएफए नेसन्स लिगका लागि २५ सदस्यीय टोलीको घोषणा गरेको छ ।

    साविकको विजेता समेत रहेको पोर्चुगलले नेसन्स लिगमा क्रोएसिया र स्वीडेनसँग सेप्टेम्वर पहिलो साता प्रतिस्पर्धा गर्दैछ । पोर्चुगलले दुई खेलका लागि युरोपेली क्लब फुटबलमा प्रभाव जमाएका अधिकांश खेलाडीलाई समावेश गरेको छ ।

    युभेन्टसका क्रिस्टियानो रोनाल्डो, म्यानचेस्टर युनाइटेडका ब्रुनो फर्नान्डेज, म्यानचेस्टर सिटीका बर्नाडो सिल्भा, बार्सिलोनाका नेल्सन सेमेडो, लिलका रेनाटो सान्चेज, एट्लेटिको मड्रिडका जोओओ फेलिक्सले फर्नान्डो सान्चेजको २५ सदस्यीय टोलीमा स्थान बनाएका छन् ।

    यस्तै आन्द्रे सिल्भा, डिएगो जोटा, गोन्सालो गुइडेस, ट्रिनकाओ, डानिलो पेरेरा, आन्द्रे गोमेस, रुबेन नेभेस, जोआ माउटिन्हो, र सेर्गियो ओलिभिरा छन् । यस्तै डिफेन्समा पेपे, जोआ कान्सेलो, डोमिन्गोस डुआर्ट, जोसे फोन्टे, रुबेन डियास, मारियो रुइ र राफेल गुएरेरो तथा एन्थोनी लोपेज, रुइ प्याट्रिसियो र रुइ सिल्भा छन् ।

    पोर्चुगलले पहिलो खेलमा क्रोएसियासँग सेप्टेम्बर ६ मा खेल्नेछ । यस्तै सेप्टेम्बर ९ मा स्विडेनको सामना गर्नेछ । गत वर्ष पोर्चुगलले नेदरल्यान्ड्सलाई १–० ले हराएर पहिलो संस्करणको उपाधि जितेको थियो । एजेन्सी


    क्याटेगोरी : खेलकुद, मुख्य समाचार

    उहाँ द पब्लिक टुडेका विशेष संवाददाता हुनुहुन्छ ।

    प्रतिक्रिया दिनुहोस