• The Public Today
  • जनकपुरमा राहत माग्दै व्यवसायीले गरे प्रदर्शन


    भदौ ११ गते  : लामो लकडाउनको कारण व्यपारी मारमा परेको भन्दै राहतको माग गर्दै जनकपुरमा व्यवसायीले प्रदर्शन गरेका छन् । बिहीबार जनकपुरको शिवचोकमा धनुषा चेम्बर अफ कमर्सको नेतृत्वमा व्यवसायीले राहत माग्दै प्लेकार्ड सहित प्रदर्शन गरेका हुन् ।

    कोरोना संक्रमण फैलिन नदिन सरकारले दुईचरणमा गरेको झण्डै ४ महिना लकडाउनले व्यपार व्यवसाय चोपट्ट भएपनि सरकारको राजस्व, बैंकको ऋणको व्याज, घरसर्टरको भाडा तिर्नु परेकोले दयनीय अवस्थामा पुगेको धनुषा चेम्बर अफ कमर्सका वरिष्ट उपाध्यक्ष सरोज मिश्रले बताए ।

    कतिपय व्यवसायीको व्यवसाय पूर्णरुपले बन्द हुँदा घरपरिवार संचालनमा समेत कठिनाइ भएकोले बाध्य भएर सडकमा उत्रिनु परेको उनको भनाइ छ ।  व्यवसायीले सरकारलाई तिर्नुपर्ने कर, बैंकको ऋणको व्याज तथा घरभाडामा छुटको व्यवस्था सहितको राहत उपलब्ध गराउनुपर्ने माग गरेका छन् ।

    बोर्डर पूर्णरुपले बन्द नभकाले भारबाट सहजै आवत, लकडाउनमा समेत भीडभाड जारी रहेकाले जोखिम कायम रहेकै अवस्थामा यस्तो लकडाउनको औचित्य नभएको व्यवसायी जानी खानले गुनासो गरे । सरकारले व्यवसायीलाई राहत उपलब्ध गराएर महिनौ पूर्ण कडाइका साथ लकडाउन गर्न समेत उनीहरुको माग छ । टुडेपाटी    


    क्याटेगोरी : मुख्य समाचार, राष्ट्रिय

    उहाँ द पब्लिक टुडेका विशेष संवाददाता हुनुहुन्छ ।

    प्रतिक्रिया दिनुहोस