• The Public Today
  • बालउद्यान निर्माणमा इन्जिनियर रेबन्त बस्नेतद्वारा १ लाख सहयोग


    बर्दिबास, भदौं ३१ गते । महोत्तरीको बर्दिबासका इन्जिनियर रेबन्त बस्नेतले बालउद्यान निर्माणमा अहिलेसम्मकै सबै भन्दा बढी नगद सहयोग गरेका छन् । जनसहयोगी युवा सञ्जाल बर्दिबासले बर्दिबास–९ स्थित राष्ट्रिय माध्यमिक विद्यालय पशुपतिनाथ बनरझुल्लामा निर्माण गरिएको चिल्ड्रेन पार्क निर्माणमा १ लाख १ हजार १ सय ११ रुपैंया सहयोग गरेका छन् ।

    जनस्तरबाट निर्माणाधिन बालउद्यान निर्माणमा आर्थिक अभाव भएको सुनेर इन्जिनियर बस्नेतले सञ्जलका अध्यक्ष परमेश्वर महतोलाई निर्माण स्थलमा पुगेर सो रकम बराबरको चेक हस्तान्तरण गरेका छन्।

    बस्नेत बर्दिबास साँझा समाज काठमाण्डौंका अध्यक्ष समेत छन् । युवाहरुले थालेको सामुदायिक विद्यालय सुधारको कार्य प्रशंसनिय रहेको बताए ।‘तीन महिनाको प्रगति हेर्दा अदभुत लाग्छ । एक पैसा हातमा नभएर पनि आँटले गर्छु भन्दाको यो सफलता हो,’उनले भने ,‘मैले सानो सहयोग गरेको हुँ । म पनि यो समाज रुपान्तरणको अभियानमा जुट आएको हुँ । समाज दल दलमा विभाजित छन् । तर, समाजिक काममा सबै जनाको एकै स्वर सुनेको देख्दा र सोंचको देख्दा एकदमै खुशी लाग्यो ।’

    बालउद्यान निर्माणको स्थलगत अवलोकन तथा सहयोग हस्तान्तरण गर्न पुगेका इन्जिनियर बस्नेतलाई विद्यालय परिवारले दोसल्ला ओढाई अविर लगाएर सम्मान गरेका थिए ।
    सहयोग हस्तान्तरण कार्यक्रममा बस्नेत फुटवेर उद्योग‘सभ्य ब्राण्ड’ बर्दिबास–८हात्तिलेटका उद्योगी केदार बस्नेत, पशुपतिनगरमा स्थानीय राजनितिक दलका प्रतिनिधी, जनप्रतिनिधी समाजसेवीहरुको उपस्थित रहेको थियो ।

    बालउद्यान निर्माणको ७० प्रतिशत काम सम्पन्न भएको छ । दशैं अगाबै बालउद्यानको निर्माण काम सम्पन्न हुने बताइएको छ । लकडाउने आर्थिक गतिविधी ठप्प रहेको बेला जनसहयोगी युवा सञ्जाल बर्दिबासले मुठ्ठीदान अभियना संचालन गरेर बालउद्यान निर्माण कार्य सुरु गरेका थिए ।


    क्याटेगोरी : ब्रेकिङ्ग न्युज-१, मुख्य समाचार, राष्ट्रिय, समाज

    उहाँ द पब्लिक टुडेका विशेष संवाददाता हुनुहुन्छ ।

    प्रतिक्रिया दिनुहोस