• The Public Today
  • इच्छाविपरित गर्भपतन गराएको आरोपमा प्रहरी इन्सपेक्टर पक्राउ


    द पब्लिक टुडे
    कास्की, पुस २ गते ।
    नेपाल प्रहरीका निरीक्षक (इन्सपेक्टर) श्रीमतीको इच्छाविपरित गर्भपतन गराएको आरोपमापक्राउ परेका छन् । वडा प्रहरी कार्यालय बैदाम, कास्कीमा कार्यरत इन्सपेक्टर धुव्र शर्मा पक्राउ परेका हुन् ।

    जिल्ला प्रहरी कार्यालय, म्याग्दीमा कार्यरत रहँदा इन्सपेक्टर शर्माले सोही स्थानकी युवतीसँग प्रेम सम्बन्धमै छँदा विवाहको प्रलोभन देखाएर शारीरिक सम्पर्क गरेको प्रहरी अनुसन्धानबाट खुलेको छ । विवाह गरेको केही दिनपछि इन्सपेक्टर शर्माले जबरजस्ती ती युवतीलाई पर्वतकै एक क्लिनिकमा गर्भपतन गराएका दबाब दिएका थिए ।

    सोही आरोपमा पीडित युवतीले जिल्ला प्रहरी कार्यालय, म्याग्दीमा जाहेरी दिएकी थिइन् । पीडित युवतीको जाहेरी परेपछि इन्सपेक्टर शर्मा आफै जिल्ला प्रहरी कार्यालय कास्कीमा उपस्थित भएका थिए ।

    घटनास्थल पवर्तको कुस्माबजार भएकाले शर्मालाई पर्वत पठाइएको छ । शर्मामाथि जिल्ला अदालत पर्वतबाट १० दिनको म्याद थप भएको र अनुसन्धान भइरहेको प्रहरीले जनाएको छ ।


    क्याटेगोरी : मुख्य समाचार, समाज

    उहाँ द पब्लिक टुडेका विशेष संवाददाता हुनुहुन्छ ।

    प्रतिक्रिया दिनुहोस