- फुलगेन मगही
बर्दिवास, जेठ १५ गते । १६ औं गणतन्त्र दिवसको उपलक्ष्यमा रचना बाचन गरिएको छ । सोमवार महोत्तरीको बर्दिवासमा ‘साहित्यिक सर्जकहरुको प्रतिबद्धता, भ्रष्टचार विरुद्ध सामाजिक एक्यवद्धता’ भन्ने मुल नाराका साथ रचना बाचन गरिएको हो ।
प्रगतिशील लेखक संघ महोत्तरीद्वारा आयोजित रचना बाचन कार्यक्रम प्रगतिशिल लेखक संघ महोत्तरीका अध्यक्ष नारायण घिमिरेको अध्यक्षता तथा नेपाली साहित्यकार जीवन विश्वकर्माको प्रमुख आतिथ्यमा आयोजना गरिएको थियो ।
कार्यक्रममा साहित्यकार तथा श्रष्टाहरुले देशमा देखिएको बर्तमान अवस्थामा बेथितिहरुलाई साहित्य रचनामार्फत व्यङ्गय प्रहार गरेका थिए । कार्यक्रमका अतिथि वक्ताहरूले रचना बाचन गरेका साहित्यकारहरुलाई शुभकामना मार्फत हौशला बढाएका थिए ।
कार्यक्रममा प्रेम घिमिरे, राम चन्द्र पौडेल, विमल विश्वकर्मा, बिपी दाहाल, सुरेन्द्र पोखरेल, नीर प्रसाद शर्मा, जमुना पोखरेल, जीवन दाहाल, नरद प्रसाद काफ्ले, दिनेश गरिब सहितका दर्जनौं साहित्यकारहरुले रचना बाचन गरेका थिए । कार्यक्रमको सञ्चालन कवि भीमबहादुर राउतले गरेका थिए ।
