द पब्लिक टुडेे
गौशाला, चैत २५ गते । महोत्तरीको औरही माबिमा नवनिर्मित सभाकक्षको उद्घाटन गरिएको छ ।
औरही नगरपालिकाको नैनिगौरीस्थित श्री प्रसाद सिंह माविमा नवनिर्मित सभाकक्षको मंगलवार औरही नगरपालिकाका मेयर सुनिल कुमार यादव समुद्घाटन गरेका हुन् । २० लाखको नगरस्तरीय योजनामा उक्त सभाकक्ष तयार भएको हो ।
औरहीको यो विद्यालय नेपाल सरकारले तयार पारेको नमुना विद्यालयको सूचीमा समेत रहेको छ । नमुना विद्यालय भएपछि भौतिक संरचना लगायत सबैतिर राम्रो बिकास भएको विद्यालय हुनुपर्नेमा मेयर यादवको जोड थियो।
विद्यालय व्यवस्थापन समितिका अध्यक्ष नरेन्द्र यादवको अध्यक्षतामा आयोजित उदघाटन कार्यक्रममा विशिष्ट अतिथि जिल्ला समन्वय समितिका सदस्य सर्जुग यादव, वडा न.२ का वडा अध्यक्ष बिनोद पजियार, प्रमुख प्रशासकीय अधिकृत नविन न्योपाने, शिक्षा शाखा प्रमुख धनबहादुर राइ ,इन्जिनियर राकेश यादव ,जसपाका नेता राजनारायण यादव, दरेश यादवलगायतको उपस्थिती रहेको थियो ।
Discussion about this post