• The Public Today
  • प्रधानमन्त्रीले गरे देशवासीको नाममा सम्बोधन : के-के भने ?(सम्बोधनको पूर्ण पाठसहित)


    काठमाडौँ, बैशाख १ गते । प्रधानमन्त्री केपी शर्मा ओलीले नयाँ वर्षको अवसरमा देशबासीको नाममा सम्बोधन गरेका छन् । प्रधानमन्त्री निवास बालुवाटार परिसरबाट नयाँ वर्षको अवसरमा देशभित्र र वाहिर रहेका समस्त नेपालीलाई शुभकामना सन्देश दिदै प्रधानमन्त्री ओलीले मुलुक सम्मुन्नत विकासको पथमा लम्किएको भन्दै २०७६ साल विशेष उपलब्धिमूलक बर्ष हुने बताए ।

    २०७५ साल नीति निर्माण र विकासको आधार तयार गर्ने सन्र्दभमा पनि निकै उपलब्धिमूलक रहेको उनले उल्लेख गरे ।

    Advertisement

    उनले एक बर्षमा सरकारले कामै गरेन भन्नु भन्दा पनि सरकारले अघि सारेका कार्यक्रमको प्रगतीका बारेमा प्रश्न गर्न सुझाए । उनले भने“ सरकारलाई यसरी प्रश्न गरौ आउनुहोस् हामी सिकाउछौ । यो बर्ष के के काम भए ? नीति कति बने ?  पहिले नचलेका विमानस्थल अहिले कति संञ्चालनमा आए ? आजै बाट सुरु हुने जेष्ठ नागरिक स्वास्थ्य विमा कार्यक्रमले के लाभ दिन्छ ?” तथ्य र तथ्यांक सहित व्यवहारबाट जवाफ दिन सरकार सधै तयार रहेको उनले स्पष्ट पारे ।

    सुशासनको शत्रु भ्रष्टाचार भएको भन्दै उनले ‘भ्रष्ट र भ्रष्टचारका सन्दर्भमा मुखमा पानी हालेर नबोल्ने –भ्रष्टचारीलाई कारवाही गर्दा त्यसको मुख नहेर्ने‘ आफ्नो दृढ सार्वजनिक घोषणा भएको उल्लेख गरे । उनले राज्यको सम्पति माथिको अनधिकृत दोहनलाई सरकारले छुट नदिने बताए । भ्रष्टाचार विरुद्धको लडाई चुनौतिपुर्ण भएकाले लामै समय लिने भएपनि जुनसुकै मुल्य चुकाएर भएपनि भ्रष्टाचार उन्मुलन गरि छाड्ने अभियानमा आफु प्रतिबद्ध रहेको जनाए ।

    सम्बृद्धिको पुर्व सर्त शान्ति भएको भन्दै उहाँले शान्तिका लागि वितेको बर्षमा मुलुकले राजनीतिक रुपले महत्वपुर्ण उपलब्धि हासिल गरेको दाबी गरे । उनले सिके राउतसंग भएको राजनीतिक सहमति निकै महत्वपुर्ण भएको उल्लेख गरे । उनले भने “अलग देश, अलग राष्ट्रिय झण्डा, अलग राष्ट्रियगान र अलग संविधानको अभियान चलाउदै आएको समुहले नेपालको संविधान अनुरुप  राजनीतिक क्रियाकलापमा सहभागी हुने घोषणा गर्नु सामान्य विषय होइन । यससंगै मुलुकबाट पृथकतावादको अन्त्य भएको छ भन्ने सुनाउन पाउदा मैले सन्तोष अनुभव गरिरहेको छु । ”

    Advertisement

    विभिन्न आवरणमा सुरु गर्न लागिएको हिंसा र अतिवाद र त्यसमाथि आधारित आपराधिक गतिविधिलाई नियन्त्रण गर्ने राष्ट्रिय अभियान सुरु भएको भन्दै उनले सबै खाले अतिवाद असान्ति र आतंक र गडबडीबाट मुलुकलाई छिट्टै मुक्त गरिने प्रतिवद्धता जाहेर गरे ।

    उनले भने “लामो द्वन्द्व र संक्रमणकाल अन्त्य गरेर बल्ल स्थायित्वको बाटोमा हिड्न लागेको मुलुकमा अर्को हिंसाको दुष्चक्र किमार्थ स्वीकार्य हुन सक्दैन । शान्तिपुर्ण रुपमा गरिने विरोध र असहमतिलाई हाम्रो संविधानले नै प्रत्याभुत गरेको छ । तर अबाञ्छित प्रतिगामी प्रयासहरु र संविधान विरोधी गतिविधिहरु कडाईका साथ नियन्त्रण गरिने छ । राजनीतिक रंग दिएर हिंसालाई उचित नठह¥याउन र यस सम्बन्धमा दोहोरो मापदण्ड र लोकरिझ्याइँको बाटो नअपनाउन म सबैलाई हार्दिक आग्रह गर्दछु । ”

    प्रधानमन्त्री ओलीले प्रधानमन्त्री रोजगार कार्यक्रम, नेपालको पानी, जनताको लगानी, खोलौं बैंक खाता अभियानको सुरुआतलाई उनले उपलब्धिको रुपमा व्याख्या गरे । नेपाली इमान भएको जाति हो भन्दै उनले भ्रष्ट र अनैतिक मान्छे नेपाली हुनै नसक्ने भएकाले अहिले देखिएको भ्रष्टाचार नियन्त्रणमा सरकार लागेको पनि प्रष्ट पारे ।

    विभिन्न जालझेल गरेर माफियाहरुले कब्जा गरेका सरकारी जग्गाहरु फिर्ता गराउने अभियान सुरु भइसकेकाले अब सरकारी सम्पत्ति कुनै पनि हालतमा दूरुपयोग हुन नदिने प्रतिबद्धता पनि जनाए ।

    प्रधानमन्त्रीको सम्बोधनको पूर्णपाठ हेर्न – यहाँ क्लिक गर्नुहोस


    क्याटेगोरी : ब्रेकिङ्ग न्युज-१, राष्ट्रिय

    उहाँ द पब्लिक टुडेका विशेष संवाददाता हुनुहुन्छ ।

    प्रतिक्रिया दिनुहोस