धनुषा, वैशाख २२ गते : बलात्कारीलाई संरक्षण गर्दै पीडित बालिकाको उपचारमा लापरबाही भएको भन्दै स्थानीयले इलाका प्रहरी कार्यालय सखुवामा तोडफोड गरेका छन्। स्थानीयको विरोधले आइबार दिउँसो जनकपुर–ढल्केरब सडकखण्डसमेत अवरुद्ध भएको थियो।
गत वैशाख १५ गते क्षिरेश्वरनाथ नगरपालिकाकी एक १४ वर्षकी बालिकालाई आफ्नै घरमा पढिरहेको बेला छिमेकी काका पर्ने ३३ वर्षका राजकुमार साहले बलात्कार गरेको आरोप छ।
बलात्कारपछि घाइते भएकी बालिकाको जनकपुर अञ्चल अस्पतालमा उपचार गरिएको थियो। गत शुक्रबार बालिकाको मानसिक सन्तुलनसमेत बिग्रेपछि उनलाई उपचारको लागि काठमाडौं लगिएको थियो।
ढुंगामुढाको क्रममा एकजना प्रहरी घाइते भएको इलाका प्रहरी कार्यालयका प्रहरी निरीक्षक अमिर दाहालले जानकारी दिए। ‘मेसको चारवटा झ्यालको सिसा पुटेको छ,’ उनले भने।
चक्काजामको कारण जनकपुर–ढल्केबर सडकखण्डमा यातायात बन्द छ । जिल्ला प्रहरी कार्यालय धनुषाका एसपी शेखर कोइरालाले पीडित बालिकाको काठमाडौंस्थित पाटन अस्पतालमा भइरहेको बताए ।
कक्षा ८ मा पढ्दै ती बालिकाको बलात्कृत भएको खवर एकदिनपछि प्रहरीमा पुगेको थियो। प्रहरीले आरोपितलाई तुरुन्त पक्राउ गरेर अनुसन्धान सुरु गरेको छ। बालिकाका परिवारको उजुरीको आधारमा प्रहरीले मेडिकल चेकजाँचपछि अनुसन्धान अगाडि बढाएको हो।
यस अघि फागुन १ गते राति क्षिरेश्वरनाथ नगरपालिकाको छिमेकी मिथिला नगरपालिका(३ हरीहरपुर मगर टोलकी बालिका रेश्मा रसाइलीको बलात्कारपछि हत्या गरिएको थियो।
‘हामीले संविधान जारी भएको दिनदेखि यसमा विमती जनाइरहेका छौं,’ उनले भने, ‘अहिले सरकारले कसैको विमती नै छैन भनेर उल्लेख गरेको छ। के यो संविधानलाई गीता, कुरान वा बाइबल जस्तो अकाट्य बनाउन खोजेको हो? त्यो बनाउन खोजेको हो भने यो संविधान पनि बाई बाई भइहाल्छ।’
महतोले यो संविधानमा सम्पूर्ण रुपमा सहमति नरहेको बताउँदै यसलाई संशोधन गर्नुको साटो अहंकारका कारण सबैजना संविधानमा सहमत भएको बताइएको दाबी गरे।
