• The Public Today
  • अपहरण मुद्दाका फरार अभियुक्त पक्राउ


    द पब्लिक टुडे समाचारदाता
    वीरगंज, फागुण १९ गते ।

    प्रहरीले वीरगञ्जबाट अपहरण मुद्धाका एक जना फरार अभियुक्तलाई पक्राउ गरेको छ । प्रहरीले वीरगञ्न महानगरपालिका-१६ बस्ने रामप्रवेश साह गोढलाई पक्राउ गरेको हो ।

    रुपनारायण साह गोढको जाहेरीले वादी नेपाल सरकार भएको मुद्धामा रामप्रवेश दोषी रहेको प्रहरीको दावी छ ।

    अपहरण तथा शरीर बन्धक कसुरमा घटना पश्चात फरार रहेका उनलाई पक्राउ गरिएको जिल्ला प्रहरी कार्यालय पर्साले जनाएको छ ।

    उनी विरुद्ध पर्सा जिल्ला अदालतले वारेन्ट जारी गरेको थियो । फागुन १८ गते घरबाटै पक्राउ परेका उनलाई आवश्यक कारबाहीका लागि जिल्ला अदालत पर्सामा पेश गरिएको जिल्ला प्रहरी कार्यालय पर्साका प्रवक्ता प्रहरी नायव उपरीक्षक (डीएसपी) अनन्तराम शर्माले जानकारी दिए ।


    क्याटेगोरी : समाज


    प्रतिक्रिया दिनुहोस