काठमाडौँ, चैत ८ गते ।
नेपाली कांग्रेसले जेन्जी प्रदर्शनका घटनाबारे न्यायिक जाँचबुझ गर्न गठित गौरीबहादुर कार्की नेतृत्वको आयोगको प्रतिवेदन अविलम्व सार्वजनिक गर्न माग गरेको छ।
शुक्रबार र आइतबार पार्टी कार्यालय सानेपामा बसेको कांग्रेस केन्द्रीय समिति बैठकले जाँचबुझ आयोगको प्रतिवेदन सार्वजनिक गर्न माग गरेको हो।
२०८२ भाद्र २३ र २४ गते भएको जेनजी प्रदर्शनका घटनाबारे न्यायिक जाँचबुझ गर्न गठित कार्की नेतृत्वको आयोगको टोलीले फागुन २४ गते सिंहदरबार पुगेर प्रधानमन्त्री सुशीला कार्कीलाई प्रतिवेदन बुझाएको थियो ।
जाँचबुझ आयोगले गत असोज ८ गतेबाट काम थालेर फागुन २२ गतेसम्मको समय लगाएर प्रतिवेदन तयार पारेको थियो। चैत १ गते बसेको मन्त्रिपरिषद् बैठकले जाँचबुझ आयोगले पेस गरेको प्रतिवेदन ग्रहण गर्ने निर्णय गरेपनि सार्वजनिक गर्न सकेको छैन।
