सर्लाहीमा गाेली हानी एकजनाकाे हत्या

Facebook
Twitter
WhatsApp
Print

द पब्लिक टुडे समाचारदाता
सर्लाही, फाल्गुण १९ गते ।

सर्लाहीको मलंगवामा शनिबार राति गोली हानेर एकजनाको हत्या भएको छ । गोली प्रहारबाट मलंगवा नगरपालिका -२ घर भएका ३२ वर्षका  मनोज कुमार यादवको ज्यान गएको प्रहरीले जनाएको छ ।

घरमै भएका यादवलाई राति ९ बजे तिर कसैले फोन गरेर बोलाएर गोली हानी हत्या गरेको हुन सक्ने प्रहरीले अनुमान गरेको छ । मृत शरीरमा पाँच गोली लागेको छ । राती अबेरसम्म  घर नफर्किएपछि बिहान खोजी गर्दा मलंगवा आँखा अस्पताल अगाडि उनको शव फेला परेको  हो ।

सडकको  ठेक्कापट्टाको काम गर्दै आएका उनलाई आपसी विवादको कारण गोली हानेर हत्या गरेको हुन सक्ने जिल्ला प्रहरी कार्यालय सर्लाहीका प्रहरी उपरीक्षक गोपाल चन्द्र  भट्टराईले जानकारी दिए । हत्याको बारेमा अनुसन्धान भइरहेको प्रहरी उपरीक्षक भट्टराईले बताए ।

ताजा अपडेट

लोकप्रिय

सम्वन्धित समाचार