जनकपुर, जेष्ठ १७ गते – अबैधरुपमा खोला उत्खनन गर्दै आएका बावुछोरा सहित ३ जनालाई प्रहरीले नियन्त्रणमा लिएको छ। धनुषाको बटेश्वर गाउँपालिका वडा नम्बर १ स्थित चित्रपुर बस्ने रामचन्द्र महतो र उनका छोरा मनोज कुमार कुशवाहा तथा प्रमोद कुमार कुशवाहालाई अबैधानिक बन्दुकसहित ईलाका प्रहरी कार्यालय ढल्केवरले पक्राउ गरेको हो ।
उनीहरुको साथबाट एक थान अटोमेटिक चाइनिज पेस्तोल र एक थान नलकटुवा बन्दुक बरामद भएको जिल्ला प्रहरी कार्यालय धनुषाले जानकारी दिएको छ ।
गाउँलेले अवैध उत्खनन रोक्न जाँदा ती बावुछोराले बन्दुक देखाएपछि घटनाको जानकारी पाएका प्रहरीले उनीहरुलाई समातेका थिए । बाबुछोराको बटेश्वर गाउँपालिकामा रितिक नामक क्रसर उधोग सञ्चालन छ ।
अवैध हतियारसहित पक्राउ परेका बावुछोरा यसअघि पनि अपराधिक क्रियाकलापमा संलग्नता खुलेको प्रहरी निरीक्षक सरोज राईले जानकारी दिए ।
