• The Public Today
  • प्रदेश २ : प्रदेशसभा परिसर मध्यपान स्थल बन्यो


    राजकरण महतो
    जनकपुरधाम, जेष्ठ २० गते ।
    सरकारी कार्यालयमा धुम्रपान, मध्यपान प्रतिबन्धित नै हुन्छ । तर देशको कुनै संसद भवन परिसरमै रक्सीका बाेतल, चुरोट, खैनी, पान–परागको बट्टाको थुप्रो देखियो भने त्यसलाई के भन्ने ?

    योजना, नीति, नियम बनाउने र बहस गर्ने थलो मानिने प्रदेश–२ को परिसरमै यस्तो देखिन्छ । जहाँको शौचालयमा जोकोही पुग्दा लाग्छ कि, यो कुनै रक्सी र चुरोटको अखडा नै हो !

    प्रदेशसभा परिसरभित्रको चर्पीको कुनामा थन्काइएका रक्सीका खाली बोतल । तस्बिर : राजकरण महतो

    त्यसो त, सभाहलको पछाडि पट्टीको क्यान्टिनमै रक्सी, चुरोट र तास खुलेआम बेच्ने गरिन्छ । कानुन अनुसार प्रदेशसभामा जाँड रक्सी खान नपाइने बताउँछन् प्रदेशसभा सचिवालय सचिव रञ्जित यादव ।

    तर, प्रदेशसभाका सांसदहरुकै लापर्वाहीका कारण यस्तो अव्यवस्थित अवस्था देखिएको उनको भनाइ छ । स्रोतका अनुसार परिसरमा रहेको चमेनागृहमा बस्नेहरु नै रक्सी सेवन गर्छन् ।


    क्याटेगोरी : ब्रेकिङ्ग न्युज-१, राजनीति, राष्ट्रिय, समाज

    उहाँ द पब्लिक टुडेका विशेष संवाददाता हुनुहुन्छ ।

    प्रतिक्रिया दिनुहोस