• नबिन श्रेष्ठ

दशैं आयो, आयो हर्ष,
सबैको मुहारमा छ आनन्द र हर्ष।
पिङको डोरी हावामा हल्लिन्छ,
बालकदेखि वृद्धासम्म दिल रमाउँछ।

जमरा हरियो, टीका रातो,
घरघरमा बज्छ मादलको बातो।
मासु भातको गन्ध चल्छ,
दशैंको मिठास मनमा बल्छ।

दाजुबहिनीको भेटघाट हुन्छ,
माया र आशिषले घर भरिन्छ।
काकाकी छोरी, मामाकी नानी,
सबै संगै रमाउँछन् पक्कै पनि।

नयाँ लुगा, नयाँ चप्पल,
खुशीले भरिन्छ घरको आँगन हलचल।
आमाले पकाउनु हुन्छ मिठो परिकार,
बाउज्यूले दिनुहुन्छ टीकासँग प्यार।

चङ्गा उडाउँछ बालक रमाई,
गीत गाउँछ युवायुवती झुमी झुमी नाचाई।
बर्खा सकिएर घामले हाँसेको बेला,
दशैं आउँछ साथमा खुशीको मेला।

शुभकामना बाँडिन्छ हृदय खोलेर,
दशैंले सिकाउँछ प्रेम बोल्न जोरेर।
हाम्रो संस्कृति, हाम्रो शान,
दशैं हो एकताको असल प्रमाण।