काठमाडौं, भदौ २४ गते ।
विशेष अदालतले नेपालको पासपोर्ट छाप्ने ठेक्का पाएको जर्मन कम्पनी भेरिडोसलाई साधारण तारिखमा राख्न आदेश दिएको छ ।
विशेष अदालतका सदस्यहरू नारायण पौडेल र डिल्लीरत्न श्रेष्ठको इजलासले भेरिडोससँग कुनै धरौटी नमागी साधारण तारिखमा छाड्न आदेश दिएको हो ।
अख्तियारले पासपोर्ट छपाइमा भ्रष्टाचार भएको भन्दै राहदानी विभागका कर्मचारीसहित ठेक्का पाएको जर्मन कम्पनी भेरिडोस विरुद्ध पनि मुद्दा दायर गरेको थियो ।
मुद्दा दायर भएपछि जर्मन कम्पनी भेरिडोसले नेपाली प्रतिनिधिलाई अख्तियारनामा दिएको थियो ।
अख्तियारनामा पाएका व्यक्ति बिशेष अदालतमा उपस्थित भएका थिए ।
विशेष अदालतमा बयान र थुनछेक बहस पछि अदालतले उनीहरुलाई साधारण तारिखमा छाड्न आदेश दिएको थियो ।
