काठमाडौँ, असार १ गते ।
सशस्त्र प्रहरी महानिरीक्षक नारायणदत्त पौडेलले विपद्मा नागरिकको जीउधनको रक्षा सशस्त्र प्रहरीको पहिलो प्राथमिकता भएको बताएको छ ।
सशस्त्र प्रहरी बल नेपाल नं ४ मुक्तिनाथ बाहिनी मुख्यालय कास्कीको २५औँ स्थापना दिवसका अवसरमा आज पोखरामा आयोजित कार्यक्रममा उनले सरोकारवाला पक्षसँग आवश्यक समन्वय र सहकार्य गरी खटिन सकलदर्जालाई निर्देशन दिए ।
“गण्डकीका विभिन्न ठाउँमा सशस्त्र प्रहरीका युनिट विस्तार, विपद् व्यवस्थापन वेस स्थापना र रेस्क्यु टावरमा खटिएका टोलीले गरेका कार्य तथा उच्च भू–भाग तथा हिमाली क्षेत्रमा गरेका उद्धार प्रशंसनीय छ”, महानिरीक्षक पौडेलले भनेकोसशस्त्र प्रहरी बलले जनाएको छ ।
