काठमाडौं, भदौ १६ गते ।
दक्षिण कोरियाली विपद् राहत टोली बुधबार नेपाल आउने भएको छ । खोज, उद्धार र अन्य राहतका लागि ४४ जनाको टोली नेपाल आउन लागेको हो ।
कोरियाली विपद् राहत टोली (केडीआरटी) मा परराष्ट्र मन्त्रालय, कोरिया अन्तर्राष्ट्रिय सहयोग एजेन्सी (कोइका), आगो नियन्त्रक र अन्य गरी ४४ जना नेपाल आउन लागेको कोरिया टाइम्सले लेखेको छ ।
मंगलबार राति कोरियाबाट उड्ने उनीहरु बुधबार बिहान नेपाल आइपुग्ने छन् ।
उद्धारमा आउन लागेको टोली केसी–३३० नामक ट्रान्सपोर्ट विमानमा चढेर नेपाल आउन लागेका हुन् । कोरियाली टोलीले ७०० वटा उपकरण र खोज–उद्धारका लागि पाँचवटा कुकुर ल्याउन लागेका छन् ।
उनीहरूको नेपालमा करिब १० दिन रहेर उद्धार र राहतका कार्य गर्ने कोरिया टाइम्सले लेखेको छ ।
नौ जना कोरियाली नागरिक बाढीबाट हराइरहेका छन् ।
