काठमाडौं, भदौ ३१ गते ।
सरकारले १ असोजदेखि लागु हुने गरी सार्वजनिक सवारीसाधनको दर्ता खुला गरेको छ ।
यातायात व्यवस्था विभागका अनुसार अहिलेका लागि काठमाडौं उपत्यका बाहिर मात्र दर्ता हुने गरी विद्युतीय सार्वजनिक सवारीसाधन ९ईभी० लाई प्राथमिकता दिई सवारी दर्ता खुला गरिएको हो ।
काठमाडौं उपत्यका भित्रका हकमा भने स्कुल बस र सट्टाभर्ना गर्न चाहने सवारीसाधनका हकमा मात्र सार्वजनिक सवारीसाधन दर्ता खुलेको हो । विभागले सबै प्रदेश सरकारलाई सोही अनुसार सवारीसाधन दर्ता गर्न सूचित गरेको छ ।
सरकारले ७ जेठ २०८३ देखि लागु हुने गरी दर्ता रोकेको थियो । दर्ता किन रोकिएको हो र के निष्कर्षमा पुगेर खुला गरिएको भन्नेमा स्वयं विभागका अधिकारी मौन छन् ।
विभागका निर्देशक मणिराम भुसाललले काठमाडौं उपत्यका भित्रका रुट तथा सवारी व्यवस्थापनका लागि उपत्यका बाहिरमात्र दर्ता खुला गरिएको बताएका छन् ।
विभागले मालवाहक सवारीसाधन दर्ता १८ साउनदेखि नै खुला गरेको थियो । त्यसअघि ८ असारसम्म एलसी खोलिसकेका र नेपाल आइसकेका सार्वजनिक सवारीसाधन समेत दर्ता गरिएको थियो ।
